Localisation:


Menu:
Internetowa Liturgia Godzin

Die 26 decembris
S. STEPHANI, PROTOMARTYRIS
Festum

Sexta



V. † Deus, in adiutórium meum inténde.
R. Dómine, ad adiuvándum me festína.
Glória Patri, et Fílio, et Spirítui Sancto.
Sicut erat in princípio, et nunc et semper,
et in sæcula sæculórum. Amen. Allelúia.


1  Rector potens, verax Deus,
qui témperas rerum vices,
splendóre mane ínstruis
et ígnibus merídiem,

2  Exstíngue flammas lítium,
aufer calórem nóxium,
confer salútem córporum
verámque pacem córdium.

3  Præsta, Pater piíssime,
Patríque compar Unice,
cum Spíritu Paráclito
regnans per omne sæculum. Amen.


Qui plures Horas dicit, in una Hora sumit psalmodiam currentem, in ceteris - complementarem.

Antiphonæ et psalmi de die currente


Iac 1, 12

Beátus vir, qui suffert tentatiónem, quóniam, cum probátus fúerit, accípiet corónam vitæ, quam repromísit Deus diligéntibus se.

V. In Deo sperávi.
R. Non timébo quid fáciat mihi homo.



Orémus. Da nobis, quæsumus, Dómine, imitári quod cólimus, ut discámus et inimícos dilígere, quia eius natalícia celebrámus, qui novit étiam pro persecutóribus exoráre. Per Christum Dóminum nostrum. Amen.


Saltem in celebratione communi, additur acclamatio:

 V. Benedicámus Dómino.
R. Deo grátias.
 Based on LITURGIA HORARUM IUXTA RITUM ROMANUM (editio typica)